بالصور.. "متفتيش وقول ماعرفش" آخر نصائح نشطاء "تويتر"

  • 103
أرشيفية

يتميز المواطن المصري بخفة دمه المعهودة عنه حتى في أحلك الظروف، فضلا عن تمتعه بتناول قضاياه ومشكلاته بنوع من الفكاهة والمرح.

 

نشطاء موقع التدوين الصغير "تويتر" انتهجوا نفس النهج، ودشنوا هاشتاجا مرحا بعنوان "#متفتيش_وقول_معرفش"، تناولوا من خلاله ظاهرة حديث الشخص فيما لا يفقه.

 

وعلى الرغم من أن الهاشتاج يبدو مرحا وخفيف الظل، إلا أنه وصل لقائمة "تريند" واحتل مركزًا متقدما في الهاشتاجات الأكثر تداولا، وكتب "قناص الجبيلي" يقول : "ميبقاش مصرى لو اتسأل وقال ماعرفش، المصري لازم يفتي ف كل حاجة، مصر فيها دار إفتاء واحدة و90 مليون مفتي".

 

فيما كتب خالد يوسف يقول: "متفتيش وقول ماعرفش، لو كتير نصحوا نفسهم بالنصيحة دى ممكن تتصلح حاجات كتيرة فى حياتنا"، أما "أمينة" فأشارت إلى تفشي ظاهرة "الفتي" في المجتمع المصري بقولها: "المصري لو  مش عمل كده يتحرق".

 

أما سلمى أحمد فغردت حول الأمر وكتبت تقول: "خليك ف اللي تعرفه وتفهم فيه أحسن ما تحشر نفسك ف كل حاجه وتعمل فاهم وانت .... وعارف دا كويس، ركز ف اللي تعرفه واللي متعرفوش سيبه".