التواضع والحذر من الإعلام.. أبرز النصائح لـ"العيش في مصر"

  • 73
أرشيفية

تشهد مصر أوضاعًا اقتصادية صعبة، وتشتد صعوبتها يومًا بعد يوم مع ارتفاع الأسعار وزيادة معدل التضخم وارتفاع نسبة البطالة، كل هذه المشكلات دفعت نشطاء مواقع التواصل الاجتماعي إلى تدشين هاشتاج بعنوان: "#لو_هتعيش_في_مصر" ينتقدون من خلاله العادات السيئة الموجودة في بعض فئات المجتمع.


"زيزو" سجل مشاركته في الهاشتاج بتدوينة يقول فيها: "لو هتعيش في مصر؛ كتر من كلمه معلش لأن مبدأ المعلشة دا هيمشى الأيام الجايه كتير"، فيما كتب ناشط غيره يقول: "لو هتعيش في مصر خليك في حالك هتموت بصحتك".


وقدم بعض النشطاء نصائح تناسب طريقة التعامل مع المجتمع المصري، فمحمد حمزه حذر من التناول الإعلامي ومشاهدته بتدوينة يقول فيها: "اوعى تتفرج على الإعلام المصرى نهائيا"، فيما كتب محمد الجوهرى يقول: "لو هتعيش في مصر اتعود اتفرج من بعيد و متتعاملش".


المشاركة في الهاشتاج لم تتوقف عند رصد السلوكيات الخاطئة أو تقديم بعض النصائح فقط، بل رصد أيضًا بعضًا من السلبيات التي يعاني منها المصريون، فكتب أحد النشطاء يقول: "هتفضل طول عمرك تمتحن و في الآخر عملت إيه بالشهادة .. هتفضل تدو و تدور و مش هتلاقي شغل بعد ما كعب رجلك يتسفلت".


فيما استنهض النشطاء الجانب الأخلاقي في المواطنين المصريين، فكتب "وائل" يقول: "لو هتعيش في مصر يبقى نصلح من نفسنا ونتقى ربنا اكتر من كده"، وأيده محمد في ذلك بتغريدة يقول فيها: "لو هتعيش في مصر أنت عايش مع ناس طيبه متتكبرش و اتقى الله و ربنا هيسترها معاك".