قاطع الرئيس عبدالفتاح السيسي، اللواء إيهاب الفار، رئيس الهيئة الهندسية للقوات المسلحة أثناء عرض تفاصيل مشروع أهالينا 5، قائلا: "المناطق دي كانت عبارة عن مزارع دواجن قديمة، وقولنا هنستفيد من الأراضي دي وناخدها ونعمل مشروعات للناس يكون بها اسكان وخدمات ومناطق حرفية".
وأضاف "السيسي"، خلال كلمته بافتتاح مشروعات إسكان بديل المناطق غير الآمنة بالسادس من أكتوبر، اليوم السبت، "ده بيتاخد للناس، وبنعمله بتكاليف كبيرة عشان نغير، عايزكم تتوقفوا أمام هذا الكلام كدولة ومفكرين ومثقفين دي بلادنا وعايزين نغيرها"، متابعا: "اللي بيتعمل بيتعمل من أموال مصر، انتم بتسيبوا الأرض الغالية وبضيعوها وبتبنوا على الأرض اللي هتعيشوا منها، وبتسيبوا الصحراء والأرض الجافة".
وأشار إلى أن قضية البناء على الأراضي الزراعية قضيتنا كلنا، لافتا إلى أن الطريق الدائري به حجم مباني هائل وكلها بشكل غير مخطط وصحي للمواطنين، مضيفا: "لازم تتوقفوا أمام كل ده لأننا مش هنقدر نعالجه إلا بالناس".