أحد الأئمة المضارين من "الأوقاف" يكشف عن معاناته مع الوزارة

كشف الشيخ محمد القطاوي، إمام وخطيب بوزارة الأوقاف، عن أسباب وقفته الاحتجاجية غدا أمام وزارة الأوقاف، ليس طمعا في منصب أو كرها لقيادة او انتقام، او طمعان في كرسي تافه مالوش اي قيمة جنب الجوع الذي يعاني منه هو واولاده .

وروى القطاوي، معاناته، قائلا: " أنا اقل واصغر انسان فيكم لكن كل الحكاية أن يمكن الوحيد اللي حاسس بمرارة الفقر لانه ماعندوش اراضي واطيان ولا والده عنده عزبة ولا هايورث حتي من والده الف جنيه"، مضيفا أنه مر بظروف صعبة، لدرجه آتى عليه وقت ابنه الصغير، مرض الساعه 2صباحا، وظل يبكي حتى استيقظ أحد جيرانه يستلف منه خمسين جنيه، لإجراء كشف علي ابنه.

أضاف أنه سيذهب للوقفة، لأن ابنه الأوسط طلب منه يجبله تورتة طلع جري وهو بيبكي علي حاله يستلف علشان يراضي ابنه الصغير، حتى لا يظهر في نظر ابنه بالعجز، موضحا أنه تمر عليه الشهر و لا يوجد في جيبه سوى 20 جنيه، حتى يأتي يستطيع الحصول على المرتب، الذي لا يكفى سوى لتسديون التي اقترضها من الشهر السابق.

تابع شاكيا حاله: "أنا خارج طالع يا شيخ قرشي ويا شيخ رضا ويا شيخ زكريا ويا كل واحد بيشكك في الناس اللي رايحين الوقفة لو علشان مصلحه والله ما كنا طالعين من بيوتن اووفرنا مواصلتنا لمصاريف البيت اللي هايحس بكلامي مش انتم لانكم مرتاحين لكن اللي هايحس بكلامي هم اللي زي واللي عانوا من اللي بعاني منه علشان كدا انا طالع من بيتي قاصد رب كريم ينصرني علي كل حد ظلمني واخد حقي وجوعني وجوع اولادي وينصرني علي كل حد بيشكك في نيتي او بيزايد علي او بينفذ تعليمات القياده ان يمنعني او يمنع زملاءه انهم يخرجوا اقسم بالله العلي العظيم ستنال دعواتي كل من تأمر علي او علي قوت اولادي محمد القطاوي بعد كل اللي حصل من الائمة اللي مفروض يكونوا بيطالبو زيهم زيه بالحقوق طالع بكرة علي حقه بس وكل واحد منهم مسئول عن حقه لان فعلا الطيب والمخلص مالوش مكان دلوقتي وعايز اقولكم حاجه مهمه اوعوا تنسوا لا تعليمات قياداتكم هاتضرني ولا تسليم الأهالي اللي حصل من الزملاء المحترمين هايمنعنا فالله خير حافظا وهو ارحم الراحمين