نصائح لتوفير وقتك

- خدي من وقتك نص ساعة بالليل قبل النوم رتبي فيها؛ أوضة المعيشة، ولمى أي غسيل، وحطيه في الغسالة، وشغليها عليه، وانشريه الصبح أول ما تصحى.
- اعملي قايمة وجبات أسبوعية، وجهزي أكلك وخلي كل وجبة جاهزة عالتحضير على طول، واعملي يوم في الأسبوع إجازة من الطبخ؛ عشان تحضري فيه وجبات الأسبوع كله.
- وأنت بتطبخي اغسلي أي مواعين أول بأول، وامسحي المطبخ بعد غسل مواعين العشاء، وبكده الصبح يكون مرتب ونضيف، وتبتدي يومك بحيوية أكتر.
- تهوية البيت أول ما تصحي على الأقل ساعة ونص، وبعدها قفللي وشغلي فواحة حلوة أو بخور؛ عشان تعطير البيت بيفرق ف مودك جدا.
- وقت مذاكرة الأولاد طفي أي جهاز؛ سواء تليفزيون، أو كمبيوتر، وخليك جنبهم، وحتى لو مش هتساعديهم، ممكن يا تعملي حاجة من شغل البيت، يا تقري كتاب مثلا، المهم ميشوفوكيش قاعدة على كمبيوتر، أو تليفزيون وهما بيذاكروا.
- اشربي مية كتير كل يوم؛ لأنها بتزود نشاطك، وبتخلي جسمك يعمل بكفاءة أكتر.