نائب وزير الشباب: جناح فى السلطة الحالية يريد العودة لـ"دستور71"

  • 92
خالد تليمة نائب وزير الشباب

أكد الناشط السياسى خالد تليمة، نائب وزير الشباب، وعشو التيار الشعبي، أن هناك جناح فى السلطة مازال رافضًا لأى تغيير، ويدفع فى اتجاه إسقاط الدستور قبل طرحه للاستفتاء والعودة لدستور 71، مضيفًا:"طبعا هما مش واخدين بالهم إن فى حال فشل الدستور ده، المشهد "هيطربق" على الجميع".

وأوضح تليمة فى تدوينه له على "فيسبوك"، : أن هناك محاولة من الاخوان وحلفائهم لاستغلال اللحظة، و السلطة بغبائها بتدفع ببعض الشباب المتحمس او المغرض لخنق الاخوان، مؤكدا أن ان اى تحالف مع الاخوان هو خطيئة كبرى ومالوش اى تبرير .

أضاف، هناك محاولة لدفع الحكومة للاستقالة والانسحاب فى التوقيت ده، معتبرا ذلك سيكون خطأ كبير، ومعناه اننا كقوى ثورة بنرجع لنقطة الصفر.

وأستطرد قائلا:" لازم نبقى مصدقين انى مش مبسوط وانا فى مكانى ولو القرار ده يخصنى لوحدى كان زمانى استقلت من بدرى، انما القرار اظنه يخص جيلنا كله وكمان هيأثر بشكل كبير فى طريقة وشكل وجودنا فى السلطة فى الفترة اللى جايه".

ولفت تليمة إلى أنهه، مع قانون ينظم حق التظاهر، لكن ليس هذاالقانون ولا طريقة تطبيقه، ومش بالعقلية دى.

وأختتم قائلا: "ممكن متبقاش موافق على كلامى ده. بس الاكيد ان اللحظة دى حرجه ومحتاجين كلنا نفكر بهدوء عشان البلد مش حمل اى مواقف متطرفه ومتعصبة ومستعجلة من اى حد".