قدم الدكتور محمد سعد الأزهري، الداعية الإسلامي، ومدير مركز الفتح للدراسات، مجموعة نصائح تساعد الزوجين على تجاوز الأزمات، لاسيما تلك المتعلقة بالتشاجر بين الزوجين، مؤكدا أن التشاجر لا يعني إنهاء العلاقة الزوجية أو توقفها عند هذا الحد.
وأوضح الأزهري عبر صفحته الشخصية على موقع التواصل الاجتماعي "فيس بوك" أن الشجار بين الزوجين أمرا اعتياديا يتكرر كثيرا، بل إن الشجار قد لا يتوقف سواء في شهر رمضان أو غيره، مؤكدا أن الأزمة ليست في الشجار إنما في كيفية التعامل معه.
وكتب الأزهري قائلا: " وإيه يعني لما تتخانق انت ومراتك!.. متقفش عند الخناقة دي، عديها زى ما عديت حاجات تانية كتير، ويا أخي مصارين البطن بتتخانق، وخناقة ما قبل رمضان عادي بتتكرر كل سنة، وممكن تتخانق في رمضان كمان!"
وأفاد الأزهري أن "الخناقة ساعات كتيرة بتبقى تنفيس مش أكتر، وساعات بيبقى غضب مركون في المرارة محتاج يطلع بره!"، مضيفا: "وساعات بيبقى الواحد أو الواحدة غلطان أو غلطانة فبيعملوا نفسهم غضبانين وزعلانيين علشان يداروا على الغلط بتاعهم!"، مردفا القول: "ازواج وزوجات مكّارين شويتين".
واختتم الأزهري حديثه عن الأمر قائلا: "الخلاصة: مش عايزين نقف عند نقاط التماس، طالما اتخانقتوا اتصالحوا وكملوا حياتكم، لإن الحاجات دي جزء من الحياة، حاولوا تقللوها أو تبطلوها لكن هيطلعلكم صعوبات تانية ملهاش دعوة بالخناق لكنها أيضاً من الحياة!"، مستشهدا بقول رسول الله عليه الصلاة والسلام: "وخيرهما من يبدأ بالسلام".