الكوب الأصلي لا ينكسر سريعًا.. خبير تربوي: لا تسترخصوا في اختيار العلاقات

  • 39
الفتح - د. محمد سعد الأزهري

حث الدكتور محمد سعد الأزهي، الخبير الأسري والتربوي، على التأني في اختيار شريك الحياة حتىى يتمكن الشخص من حسن الإختيار؛ مما يساعده في مواجهة مشكلات الحياة.

وضرب الأزهري في منشور له عبر "فيس بوك" مثالا قال فيه: لما بتشترى طقم كوبايات للشاي وبتسترخص، فعادي جداً تلاقي الكوبايات دي بتتشرخ واحدة ورا التانية لمجرد إن الشاي سخن أوي وتندم إنك اشتريتها!.

وأضاف الأزهري قائلا: الزواج كده برضو، والعلاقات مع أصحابك نفس الشيء، والعلاقات مع أولادك نفس الحكاية، فكل ما تسترخص هتلاقي كل حاجة بتضيع فجأة!

وتابع: يعني لما تبحث عن زوجة أو تسألي عن زوج متقدم ليكي، فلازم جواكم الأول تضعوا شروط للطرف التاني ملهاش علاقة بالمنظر، إنما قوته وصلابته وأصالته ورجولته، وإن البنت ليها كبير وملهاش في اللوع وبيعرفوا ربنا، تكون الأساس اللي هتعرفوا تكملوا مع بعض عليه.

وأوضح الخبير الأسري والتربوي أن هناك: ناس بتدي الأول مبتاخدش، ناس بتحب قبل ما تكره، ناس مش مكارين ولا مخادعين، ساعتها لما تحط الشاي سخن قوي في الكوب هتلاقيه متحمل وصالب نفسه وجاهز لحاجة زي كده.

وواصل قائلا: أما الناس الهشة الضعيفة اللي عندها عيوب قاتلة، أسهل حاجة بيتعرضولها إن شوية شاي سخنين أول ما يتصبوا في الكوب بتاعهم، نلاقي الدنيا غرقانة حواليهم، الملابس والسجاد والانتريه والترابيزة وكله، لإن الكوب لم يستطع أن يتحمل هذه السخونة في العلاقات ولا الجدالات ولا الاختلافات!

وأشار الأزهري إلى أن الكوب الأصلي لا ينكسر بسبب سخونة الأحداث التي تحدث بداخله، لذا عليكم بالبحث عنه والتمسّك به، وإذا كان لديك كوب تقليد، فعليك ألا تضع الشاي الساخن فور غليانه، وإنما اتركه يبرد قليلاً ثم ضعه فيه، فستجده إن شاء الله صابراً، ومتحملاً ومكمل معاك، واللي مش هيفهم كده مش هيعرف يكمل المشوار!


الفتح - د. محمد سعد الأزهري