كان يوم فرحة كبيرة لطلاب الثانوية العامة
والثانوية الازهرية
وخاصة الطلاب اللي حصلوا
علي درجات كبيرة وحققوا احلامهم انهم يحصلوا علي الدرجات والمجموع اللي بيحلموا
بيه
في نفس اللحظة في ناس كتير
محصلتش علي درجات عالية
علشان كده بقولهم اوعي تربط النجاح في الحياة بمجموع درجاتك ونجاحك في مرحلة
معينة في التعليم فقط وان كان ده شئ مهم لكن النجاح
له معاني كتير وافاق متعددة
النجاح انك تكون قريب من ربنا ومحافظ علي علاقتك بيه
النجاح انك تعيش كل لحظة في جياتك وتستمتع بيها
النجاح انك تحقق رقم مالي
النجاح انك تكون فعلا راضي عن نفسك
اوعي تربط النجاح بكلية معينة طب هندسة صيدلة......
النجاح انك تكون متميز في كل مكان انت تكون فيه
النجاح
انك تكون الافضل في كل موقع ايا كان
ابدأ من دلوقتي واقعد مع نفسك لحظات خطط فيها انت هتعمل ايه في المرحلة
القادمة هتقولي يااااااااه لسه هقعد مع نفسي ساعة
اقولك والله حياتك تستاهل انك تقعد اسبوع تفكر هتعمل ايه فيها
لعدة اسباب انك هتكون مسئول قدام ربنا وعن عمرك فيما افنيته
غير كده حياتك لو خططت ليها من دلوقتي هتشوف النتائج بعدين ومش ممكن بغد
شهور
مثال انا عن نفسي كنت حاطط لنفسي هدف وحلم خططت ليه كويس وقلت هحققه في 5
سنين لو تعرف انا حققته في اد ايه مش هتصدق
في 6 شهور بس هتقولي معقولة
هقولك معقول لاني كنت مؤمن بحلمي وسخرت كل حاجة في حياتي علشان اوصل لحلمي
وبفضل الله وصلت
هتلاقي ناس تحبط فكك منهم
هتلاقي ناس تقولك مجبتش مجموع كبر دماغك منه
بس بشرط انك تكون فعلا اخذت قرار بانك ستعيد ترتيب اوراقك المتنتثرة من
جديد
ووضعت هدف لحياتك وخطة علشان تيجي بعد مدة من
الزمن للي قالك انت مجبتش مجموع وتقوله اديني وصلت للي بحلم بيه
خلي من لحظة الصدمة دي زي ما انت سميتها
خليها لحظة قوة لحظة تغيير فارقة في حياتك
يمكن ربنا ليه حكمة في كده وعايز يبعدك عن مجال معين مش هتنجح فيه
ويمكن دي لحظة علشان تختلي بنفسك وتخطط فيها لاول مرة في حياتك
صدقني النجاح اسهل مما تتخيل بس لو انت اشتغلت علي هدفك شوية
بس انت ابدأ من دلوقتي واوعي تستسلم لليأس
حاول مرة واتينين وعشرة
خليك دايما واثق ومتأكد ان ربنا مستحيل هيسيبك في نص الطريق
خليك واثق في امكانياتك وقدراتك
لان تحقيق هدفك متوقف علي حاجتين مهمين جدا ايمانك وثقتك بربنا وايمانك
وثقتك في ذاتك وقدراتك
طولت عليكم
بس هكمل موضوعي معاكم في مقال قادم عن اول اسبوع في الجامعة
